Ainea anaitalii sayari yenye vimbwanga vya kila nui kwa madhumuni ya kupata haki. Safari yake inakumbwa na vikwazo na visiki aina ainati vinavyokaribia kumkatisha tamaa. Pamoja na umri wake mdogo, usuli wake uliogubikwa na ukungu mzito unamfanya kuwa windo rahisi kwa makucha ya walimwengu.

Hali yake inadorora zaidi kwa kufikwa na ukiwa wa kuachwa na mzazi wa pekee. Maisha yanampeleka kote kote kama vile tiara ipeperushwavyo na upepo. Hatimaye, anaangukia nyota ya jaha inayomwongoza palipo heri. Malaika wake anampa kurunzi anayoitumia kusaka haki kule ilikojificha.