Basi liliteremka kwenye barabara iliyojisokota katika miinamo ya vilima. Nilichungulia dirishani na kuona jinsi jua lilivyovidhihirisha dhahiri shahiri vilima hivyo.”Vilima gani hivi?” nilimwuliza abiria aliyeketi ubavuni pangu, mwanamume mfupi mnene. Kichwa chake kilikuwa kimeegemea bega langu. Hakujibu. Kumbe alikuwa anamenyana na usingizi. Nikamtikisa.